തിരുവനന്തപുരം ലോകസഭാ മണ്ഡലത്തിന്റെ സമഗ്ര വികസനം ലക്ഷ്യമിടുന്ന NDA യുടെ വികസന രേഖ പുറത്തിറക്കി. കേന്ദ്ര ടൂറിസം- വനം പരിസ്ഥിതി മന്ത്രി ഡോ. മഹേഷ് ശർമ്മയാണ് വികസന രേഖ പുറത്തിറക്കിയത്. നവാഗത വോട്ടർമാരുടെ കൂട്ടായ്മയിലാണ് തിരുവനന്തപുരത്തിന്റെ ഭാവി പ്രതീക്ഷകൾ പങ്കുവെയ്ച്ചത്.അനന്തപുരിയുടെ സമസ്ത മേഖലകളെയും വികസന രേഖ സ്പർശിച്ചിട്ടുണ്ടെന്നാണ് വിശ്വാസം. തിരുവനന്തപുരം നഗരത്തെ പൈതൃക നഗരം, മഹാനഗരം എന്നിങ്ങനെ രണ്ട് നഗരങ്ങളായി വികസിപ്പിക്കും. പദ്മനാഭസ്വാമി ക്ഷേത്രം പൈതൃക സ്വത്തായി സംരക്ഷിക്കും, വിമാനത്താവളത്തെ ആഗോള നിലവാരത്തിലേക്ക് ഉയർത്തും, കാർഷിക മേഖലയ്ക്ക് പ്രത്യേക പാക്കേജ്, ഹിന്ദുസ്ഥാൻ ലാറ്റക്സിന്റെ നവീകരണം, പൂന്തുറയിൽ മത്സ്യബന്ധന തുറമുഖം, ടെക്നോപാർക്കിനെ ഏഷ്യയിലെ ഏറ്റവും വലിയ ഡിജിറ്റൽ ഹബ്ബാക്കൽ, ഹൈക്കോടതി ബഞ്ചിന്റെ പുനസ്ഥാപനം, എംയിസ് അനുവദിപ്പിക്കൽ, മണ്ഡലത്തിലെ നദികളുടെ ശുചീകരണം എന്നിവയ്ക്ക് ഊന്നൽ നൽകും. പട്ടികജാതി പട്ടിക വർഗ്ഗ വിഭാഗങ്ങൾ, ന്യൂനപക്ഷങ്ങൾ, സ്ത്രീകൾ എന്നീ വിഭാഗങ്ങൾക്ക് പ്രത്യേക പദ്ധതികളും നടപ്പിൽ വരുത്തും.
Read Moreതിരുവനന്തപുരം സെന്‍ട്രല്‍ സ്റ്റേഡിയത്തില്‍ നടക്കുന്ന ബിജെപി തെരഞ്ഞെടുപ്പ് പ്രചാരണ യോഗത്തിലാണ് മുന്‍ അംബാസിഡറും ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാനുമായിരുന്ന ടിപി ശ്രീനിവാസന്‍ പ്രസംഗിച്ചത്. എന്‍ഡിഎയുടെ തിരുവനന്തപുരം സ്ഥാനാര്‍ത്ഥി കുമ്മനം രാജശേഖരനെ പരസ്യമായി പിന്തുണയ്ക്കുകയായിരുന്നു ശ്രീനിവാസന്‍. https://www.asianetnews.com/video/newshour/tp-sreenivasan-backed-kummanam-rajasekharan-in-thiruvananthapuram-pq5x4u
Read Moreപത്മനാഭസ്വാമി ക്ഷേത്ര ഭരണത്തിന് എട്ടംഗ സമിതിയെ നിയമിക്കാമെന്ന സംസ്ഥാന സര്‍ക്കാര്‍ നിര്‍ദ്ദേശം വളഞ്ഞവഴിയിലൂടെ ക്ഷേത്രം പിടിച്ചെടുക്കാനുള്ള നീക്കമെന്ന് ബിജെപി മുന്‍ സംസ്ഥാന അധ്യക്ഷന്‍ കുമ്മനം രാജശേഖരന്‍. പത്മനാഭസ്വാമി ക്ഷേത്ര ഭരണവുമായി ബന്ധപ്പെട്ട് സംസ്ഥാന സര്‍ക്കാര്‍ സുപ്രീംകോടതിയില്‍ അറിയിച്ചതാണ് ഇക്കാര്യം. അഞ്ച് അംഗങ്ങളും എക്സിക്യുട്ടീവ് ഓഫീസറും ഉള്‍പ്പെടെ ആറ് പേരെ നിയമിക്കുന്നത് സംസ്ഥാന സര്‍ക്കാരാണ്. മന്ത്രിസഭയാണ് ഇവരെ തെരഞ്ഞെടുക്കുന്നത്. രാജകുടുംബാംഗം, തന്ത്രി എന്നിവരാണ് മറ്റ് അംഗങ്ങള്‍. എട്ട് അംഗങ്ങളില്‍ ആറ് പേര്‍ സര്‍ക്കാരിന്റെയും ഭരിക്കുന്ന പാര്‍ട്ടിയുടെയും താത്പര്യം സംരക്ഷിക്കുന്നവര്‍ ആയിരിക്കുമെന്നത് ക്ഷേത്ര ഭരണം കൈപ്പിടിയിലാക്കുകയാണ് ലക്ഷ്യമെന്ന് മറയില്ലാതെ വ്യക്തമാക്കുന്നതാണെന്ന് കുമ്മനം പറഞ്ഞു. സമീപകാലത്ത് ശബരിമല ഉള്‍പ്പെടെയുള്ള ക്ഷേത്രങ്ങളിലുണ്ടായ സര്‍ക്കാരിന്റെ കടന്നുകയറ്റത്തിന്റെയും വിശ്വാസവിരുദ്ധ നടപടികളുടെയും പശ്ചാത്തലത്തില്‍ ആശങ്കടുത്തുന്നതാണ് ഈ നീക്കം. ക്ഷേത്രഭരണം സര്‍ക്കാരില്‍നിന്നും രാഷ്ട്രീയ താത്പര്യങ്ങളില്‍നിന്നും സ്വതന്ത്രമാക്കാന്‍ വിശ്വാസികള്‍ ഒന്നടങ്കം ആവശ്യപ്പെടുമ്പോഴാണ് പത്മനാഭ സ്വാമി ക്ഷേത്രത്തെയും തകര്‍ക്കാന്‍ നീക്കം നടക്കുന്നത്. ഭക്തജനങ്ങളുടെ പ്രതിഷേധം കണക്കിലെടുക്കാതെ ദേവസ്വം ബോര്‍ഡുകള്‍ ക്ഷേത്രങ്ങള്‍ ഏറ്റെടുക്കാനുള്ള നീക്കം ഒരുവശത്ത് നടത്തിവരികയുമാണ്. ക്ഷേത്രം ഭരിക്കേണ്ടത് സര്‍ക്കാരുകളല്ലെന്നും വിശ്വാസികളാണെന്നും രണ്ട് ദിവസം മുമ്പ് സുപ്രീംകോടതി അഭിപ്രായപ്പെട്ടത് സര്‍ക്കാരിന്റെ കണ്ണ് തുറപ്പിക്കേണ്ടതാണ്. വിശ്വാസികള്‍ക്കെതിരായ വെല്ലുവിളി അവസാനിപ്പിക്കാന്‍ സംസ്ഥാന സര്‍ക്കാര്‍ തയ്യാറാകണമെന്നും കുമ്മനം കൂട്ടിച്ചേര്‍ത്തു.
Read Moreപത്മനാഭസ്വാമി ക്ഷേത്രത്തിന്റെ കിഴക്കേനടയിലുള്ള ചട്ടമ്പി സ്വാമിയുടെ സ്മാരകമായ തീര്‍ത്ഥപാദമണ്ഡപം ഏറ്റെടുക്കാനുള്ള സര്‍ക്കാര്‍ നീക്കം ഉപേക്ഷിക്കണം.നാലു പതിറ്റാണ്ടിലേറെയായി ശ്രീവിദ്യാധിരാജ സഭയുടെ കൈവശമിരിക്കുന്ന ഭൂമി തിരിച്ചെടുക്കാനുള്ള അടിയന്തര സാഹചര്യം ഒന്നും നിലവിലില്ല. സര്‍ക്കാർ പട്ടയം നല്‍കിയതിന്റെ അടിസ്ഥാനത്തിലാണ് ഇവിടെ നിര്‍മ്മാണ പ്രവര്‍ത്തനങ്ങള്‍ നടന്നത്. പട്ടയം തിരിച്ചെടുക്കാനുള്ള മന്ത്രിസഭാ തീരുമാനം സംസ്‌ക്കാര ശൂന്യതയാണ്. ശബരിമല വിഷയവുമായി ബന്ധപ്പെട്ട് സര്‍ക്കാറിനെതിരെനിലപാടെടുത്ത ഹൈന്ദവ സംഘടനകള്‍ക്കെതിരെയുള്ള പ്രതികാര നടപടിയാണിത്. ആരാധനാലയങ്ങള്‍ പിടിച്ചെടുക്കാനുള്ള നീക്കത്തിന്റെ തുടക്കമാണെന്നും സംശയിക്കുന്നു. അതിനെതിരെ സാംസക്കാരിക കേരളത്തിന്റെ ശക്തമായ എതിര്‍പ്പ് ഉയരണം. നിയമനുസൃതം പ്രവര്‍ത്തിക്കുന്ന മന്നം നാഷണല്‍ ക്ളബ്ബില്‍ തുടര്‍ച്ചയായി റെയിഡുകള്‍ നടത്തി അംഗങ്ങളെ അറസ്റ്റു ചെയ്യുന്നതും തീര്‍ത്ഥപാദമണ്ഡപം ഏറ്റെടുക്കുന്നതും തമ്മില്‍ ബന്ധമുണ്ട്. ചട്ടമ്പി സ്വാമി, മന്നത്തു പത്മനാഭന്‍, അയ്യങ്കാളി എന്നിവരുടെ സ്മരണകളെ പോലും ഇല്ലാതാക്കാന്‍ ശ്രമിക്കുന്നവര്‍ക്ക് നവോത്ഥാനത്തെക്കുറിച്ച് പറയാന്‍ എന്ത് യോഗ്യതയാണുള്ളത്?
Read Moreപ്രളയം സംബന്ധിച്ച അമിക്കസ് ക്യൂറി റിപ്പോര്‍ട്ട് പിണറായി സര്‍ക്കാരിനെതിരായ കുറ്റപത്രമാണെന്ന് ബിജെപി മുന്‍ സംസ്ഥാന അധ്യക്ഷന്‍ കുമ്മനം രാജശേഖരന്‍. ഇതിന്റെ അടിസ്ഥാനത്തില്‍ മുഖ്യമന്ത്രിക്കും വൈദ്യുതി മന്ത്രിക്കുമെതിരെ കൊലക്കുറ്റത്തിന് കേസെടുക്കണമെന്നും കുമ്മനം പറഞ്ഞു. മുന്നറിയിപ്പ് നല്‍കാതെ ഡാമുകള്‍ തുറന്നു വിട്ടത്, തുറന്നു വിട്ട ശേഷവും അറിയിപ്പ് നല്കാതിരുന്നത്, കൃത്യമായ രക്ഷാ പ്രവര്‍ത്തനം നടത്താതിരുന്നത് എന്നിവയൊക്കെയാണ് ദുരന്തത്തിന് കാരണമായി അമിക്കസ് ക്യൂറി കണ്ടെത്തിയിരിക്കുന്നത്. നൂറുകണക്കിന് ജനങ്ങള്‍ മരിക്കാന്‍ ഇടയായ പ്രളയം മനുഷ്യ നിര്‍മ്മിതമാണെന്നാണ് ഇതിന്റെ അര്‍ത്ഥം. ഇതിന് കാരണമായത് എംഎം മണിയുടെ അറിവില്ലായ്മയും പിടിവാശിയുമാണ്. ഇത്തരമൊരു സംഭവം ഇന്ത്യയുടെ ചരിത്രത്തില്‍ ആദ്യമായാണ്. മണിയുടെ പിടിവാശി 500ഓളം നിരപരാധികളുടെ ജീവനാണ് ഇല്ലാതാക്കിയത്. ഇത് മറച്ചു വെക്കാനാണ് കേന്ദ്ര സര്‍ക്കാറിനെതിരെ വ്യാജ പ്രചാരണം നടത്തിയത്. കൂട്ടക്കുരുതിയില്‍ പങ്ക് വ്യക്തമായ സാഹചര്യത്തില്‍ സര്‍ക്കാര്‍ രാജിവെക്കണമെന്നും അദ്ദേഹം ആവശ്യപ്പെട്ടു.
Read More